2016ko urriko akta

GURASO ELKARTEA:

Eguna: 2016/10/20

Partaideak: Lupe, Pilar, Junkal Amunarriz, Nagore (partaide berria) eta Kotte. Institutotik Gorka Obeso etorri da.

Landutako gaia:

-      Bizikidetza: Gaurko bileraren helburua, ikasketa buruarekin biltzea zen, Farapi taldearekin egindako azken bileraren berri ematea. 

Hasieran, guk bilera horren laburpena aurkeztu dugu. Esateko genuena entzun ondoren, ikasketa buruak bere iritzia azaldu du. Alde batetik, ez du oso argi ikusten Farapi taldearekin lanean jarraitu behar dugun, edo, dagoeneko gai garen nolabait guk egin beharrekoa bakarrik egiteko, hau da, dinamizatzaile figurarik gabe.

Helburuak zehaztu behar ditugula ere argi ikusten du. Bururatzen zaion proposamen bat adibidez:behin  Talaia Martxan Batzordea osatuta, bi hilabetean behin, guraso, ikasleak eta irakasleak elkartu eta gaia landu, foro bat alegia.

Argi azaldu du eskolak proiektu asko dituela eta, askotan ezin denetara iritsi. Nahiz eta Farapik dinamizatu, ikusten du lanaren zati handi bat eskolarengan eroriko dela, eta honek ez duela errazten.

Gure aldetik, azaltzen dugu, guk berriz, oso argi ikusten dugula hasiera honetan Farapiren laguntza behar dugula, beldurra ematen digula batzorde horrek, hasi bezain pronto, indarrik gabe geratzea eta, hain zuzen ere, dinamizatzaileekin lan eginda, batzordea sendotu eta indartu egingo litzatekeela.

Ikasketa buruak diru kopuru hori, horretan gastatzea ere ez duela argi ikusten esan du. Ikasle batzuk ere “kexatu” omen dira zenbat dirua gastatu den jakin dutenean.

Ez al da garaia gure aldetik, bakarrik funtzionatzeko?.

Produktua erosi behar al dugu jakin gabe ondo funtzionatuko duen ala ez?

Dinamizatzaileak egotea oso interesgarria eta aberatsa izan daitekeen arren, eskolak lan karga izango duela.

Era berean, eskolak ekonomikoki laguntzea batere argi ez duela azaldu du. Elkartea  prest dagoela finantzatzeko erantzun zaio.

Atera den beste proposamena: kanpoko aholkulari bezala funtzionatzeko Farapi prest egongo litzateke?. Hau da, laguntza puntuala eskaintzeko?

Denok argi dugu, ikasleak nola  erakarri, hor dugula erronka. Izendatuta izan daitezen baino, hobe norberak bere burua aurkeztea, interesa duelako eta ez joan behar duela esan diotelako. Guretzat hori da gakoetariko bat.

Ondorioak: momentuz Farapi taldearekin genuen proposamena aparkatu, ez baztertu eta, ikasleei, gelaz- gela proiektu honen berri emateko, bideo erakargarri bat egin (pasa den urtean, ideia atera zen baina ez genuen gauzatu). Bideoari ze edukia eta ze forma eman zehazteko, bi- hiru irakasle eta beste hainbeste guraso elkartzeko geratu gara.

Egin beharrekoak:

Ø  Datorren bilera honen eguna jarri eta nortzuk joango diren zehaztu.

Ø  Farapi taldeari guzti honen berri eman.

2016ko Iraileko akta

GURASO ELKARTEA:

Eguna: 2016/ 09/ 21

Partaideak: Lupe, Arantza, Idoia, Leire,Pablo eta Kotte. Bestetik, Farapi taldeko Nikola eta Nerea etorri dira.

Landutako gaia: Gaurko bilerak, joan den urtean Farapi taldearekin, Bizikidetza lantzeko egindako ekimenaren ebaluazio egiteko helburua izan du. Guztiok ados agertu gara, esperientzia ona eta emankorra izan zela.

Prozesua indartzeko amoz, aurten ere, ekimenarekin jarraitzeko asmoa dugu. Guztia antolatzeko, guraso elkarteak eskolako zuzendariarekin hitz egingo du,Organo Gorenerako bilera hitzartzeko eta bertan guztia azaltzeko. 

Ikasle, irakasle eta gurasoen ordezkariak izendatzea da helburua; lan honetan zentratuko den batzordea eratzea alegia.

Farapi taldekoek aurkeztutako aurrekontua onartu egin da.

*Datorren bilera: irailaren 28, arratsaldeko 17:30 etan.

Ekaineko akta

GURASO ELKARTE BILERA

Eguna: 2016/ 06/ 17

Partaideak: Ximon, Junkal (taldean berria) Lupe, Leire, Silvia, Idoia, Pablo, Arantza eta Kotte.

Gaiak:

-      Bizikidetza Farapi: 

    Pablok, Farapikoek bidalitako balorazioa irakurtzen du. Egin gabe geratu den bilera, datorren ikasturtearen egitea erabaki dugu. Bilera honetan, eskolan Bizikidetza batzordea osatzea eskatzea dugu helburuetariko bat. Batzorde honek erabakiko luke hasitako lanak ze bidea jarraitu.

Taldeak argi du hasitako lanarekin jarraitu behar dugula.

Junkalek proposatu du Berritzegunekoekin hitz egitea.

Baikararekin hitz egitea interesgarria izan daitekeela ikusi dugu.

Ikasturte hasieran Farapikoekin bilera bat egitea adostu dugu; bilera honetan hasitakoari ze jarraipena eman eta nola zehaztea nahiko genuke eta, lan honen aurrekontua eskatu.

Ikasturte honetan egindako lanaren faktura, orain ordainduko zaie.

-      Datorren ikasturteko hasierako bilerak:

    Datorren irailean bilera bat egitea erabaki dugu, bertan, gelaz- gela egiten diren hasierakobileretan, guraso elkarteak zer aurkeztu nahi duen zehaztea da helburua. Era berean, gela bakoitzeko guraso ordezkari bat izendatzea oso interesgarria ikusten dugu, hau ere antolatzeko dago.

Jendea lortzea beharrezkoa ikusten dugu, bilera horietan indarra jarri behar dela argi ikusten dugu.

-      Karguen aldaketa:

    Ikasturte honetan egon garenetik, minimo hiru pertsonek utziko dute taldea. Horien artean, lehendakaria izan dena, Pablo Garcia. Lehendakariaren ardura hartzeko Kotte Susperregi prest agertu da, aldez aurretik, taldearen babes eta laguntza guztiarekin hartzeko animatzen dela argi utziz. Izen bat behar denez, bera prest agertu da izena emateko baina, taldearen babesa bermatu nahi izan du denok artean lana egiteko.

Datorren ikasturteari begira, bi pertsona berri sartuko dira: Junkal eta Maddi.

-      Beheko eskolako guraso elkartearekin harremana: interesgarri eta aberasgarri iruditzen zaigu beheko eskolakoekin (Bordari) noizean behin elkartzea. Hiru hilean behin biltzea aproposa ikusten dugu.

Gure platera gure aukera

Mezu hau bidali digute gurasoen artean zabaltzeko:

       Zuengana zuzentzen gara Gure platera gure aukera ekimenaren bigarren fasean parte har dezazuen eskatzera. Ekimen honek aldaketa eskatzen du ikastetxe publikoetako jantokian, eta Eusko Legebiltzarrean eman diren mugimenduak ikusirik, uste dugu momentua iritsi dela eredu osasuntsuago eta justuago batetara saltoa emateko.

       Aurreneko fasean ikerketa bat egin dugu (datorren hilabeteetan ezagutuko duzue). Ikerketa honek erakusten du egungo eredua ez dela jasangarria eta porrot egin duela. Hori dela-eta, egungo araudia aldatzen hasteko eskatu dio EHIGE-k Eusko Jaurlaritzari, horretarako inplikatuta dauden eragileek osatuko duten mahaia eratuz. Dena dela, uste dugu lanean jarraitu behar dugula. Horregatik proposatzen dizuegu 2. Fase honetan parte-hartzea.

       ( Lotura honetan aurkituko dituzue prentsa artikuluak: http://competenciavasca.org/2016/03/04/dosier-de-prensa-04-03-2016-comedores-escolares-de-la-capv/  )

       Bigarren fase honetan gida praktiko eta bizi bat egin nahi dugu eskola-jantoki eredu berri batetara trantsizioa egin nahi duten IGE eta ikastetxeentzat.

       Honekin batera aldaketa hau egin nahi duten ikastetxeei laguntzeko zerbitzu bat jarriko dugu martxan. Honek artikulatuko ditu ere jasotzen diren eskaerak.

        Azkenik, eskola-jantokiei buruzko dokumental honetan parte hartuko dugu: https://www.youtube.com/watch?v=3f_Wu9tOaZE  Euskal Herriko errealitatea jaso dezan.

GURASO ELKARTEAREN ASANBLADAKO AKTA

ASANBLADA:

Eguna: 2016 /05/25.

Ordua: 18:00etan

Bilerara zentroko 7 guraso etorri dira, 5 ama eta bi aita. Ikasketa burua eta zuzendaria (bileraren bukaeran agertu da, beste bilera batean baitzegoen), eta guraso elkarteko 7 pertsona.

Orotara: 16 pertsona.

Prestatutakoaren aurkezpena egin dugu, gai desberdinak azalduz.

Momentu batean, guraso elkarteak presentzia gehiago izan dezan, ze formulak erabili ditzakegunaren inguruan debatea sortu da. hauek izan dira aipatutakoak:

- Nola ezagutarazi guraso elkartea zer den? Zertarako dagoen?...

- Garrantzitsua ikusi dugu adibidez, kurtso hasieran egiten diren guraso eta tutoreen arteko bileratara joatea. Ideia hau ez da ateratzen den lehenengo aldiz, power- point bat prest dago hain juxtu bilera horietan aurkezteko. Aurten ezinbestekotzat jotzen dugu bilera horietara joatea eta horretan gelditu gara.

- Ama batek, guraso elkarteak diruz laguntzen dituen ekimen desberdinetara joaten diren gazten gurasoei, nolabait, elkartera hurbildu daitezen  lortzea. Argi dugu ezinezkoa dela behartzea, hala eta guztiz ere, ideia ona izan daiteke, kontutan hartzekoa behintzat. Nola izango da zehaztu beharko duguna.

- Ezinbestekoa da komunikazioa landu, transmisioa alegia.

- Ikasturte honetan, bizikidetzaren inguruan egindako lanaz baliatu behar dugula ere, argi ikusten dugu. Klabea izan daiteke.

- Informazioa zabaldu. Garrantzi handia eman modu desberdinak daudela guraso elkartean parte hartzeko. Modu desberdin guztiak beharrezkoak dira.

- Argazkiak erabili, bertan dauden pertsonei arpegia jartze horrek, hurbiltzeko balio dezake.

- Argiago egon behar du guraso elkartearekin kontaktuan jarri nahi izanez gero, nola egin behar den.

- Sare sozialak ere, tresna ona dela argi dugu.

- Ama batek, Hondarribia aldizkaria erabiltzea interesgarria izan daitekeela aipatzen du. Ideia oso ona iruditu zaigu , erabiltzeko aproposa. Aurten bizikidetzaren inguruan egindako lanari buruzko informazioa ere, bertan agertzea ondo ikusten dugu.

- Komunikazio batzorde bat osatzea interesgarria izan daiteke (honi, buelta batzuk eman behar zaizkio, nola egin eta zer forma eman zehazteko) .

- Joan den urtean atera zen ideia bera agertu da aurten ere: gela bakoitzeko guraso ordezkari bat izendatzea. Figura hau egoteari alde on asko ikusten dizkiogu. Zehaztu behar dugu nola egin, guraso bilera orokorrean edo gelaz- gelako bileretara joatea.

Debatea bukatutzat eman dugu, gehiegi ez luzatze arren, eta aurrera egin dugu.

Eskola kirola gaiari dagokionez, eta aurten, ikasle bakarra apuntatu dela kontutan hartuta, ama batek eskolatik eskaintzen  jarraitzeak merezi ote duen galdetu du. Baietz erabaki da. 

Bilara amaitzeko, etorritako jendeari eskerrak eman eta, aurten, guraso elkartearen eta zentroaren arteko harremanak hobera egin duela aipatu da, positiboa baita.

*Bilera amaitu bezain pronto, ama bat hurbildu da, hasierako guraso elkartearen berri emateko egin nahi ditugun bilera horiek egiteko, berarekin kontatzeko.

*Beste ama batek, datorren ikasturtean elkartean sartuko dela esan digu.